ဆီမွှေးလိမ်းကျံပေးသောအမျိုးသမီး (မာကု ၁၄း၁-၁၁)
ကျွန်မကတော့ ယေဇူးကိုဆီဖြင့်လိမ်းကျံပေးခဲ့တဲ့ အမျိုးသမီးပါ။ သူက ကျွန်မရဲ့ လုပ်ဆောင်ချက်ဟာ ကမ္ဘာကြီးက အစဉ်သတိရနေလိမ့်မယ်လို့ ပြောပေမယ့် ကျမ်းရေးတဲ့သူတွေက ကျွန်မနာမည်ဖေါ်ပြဖို့ မေ့ခဲ့ကြသေးတယ်။ သူ့ရဲ့ပြောပုံ ဆိုပုံက ထူးဆန်းတယ်။ နူးညံ့တယ်။ သိမ်မွေ့တယ်။ ဒါပေမယ့် သူအသေခံရမယ်လို မကြာခဏပြောတယ် ကျွန်မလည်းသူ့လမ်းစဉ်အတွက် သိပ်ကူညီပေးချင်တာလေး။ အရဲစွန့်ပြီး အကောင်အထည်ဖေါ်ဖို့ ကြိုးစားလိုက်တယ်။ ကျွန်မရှိသမျှငွေနဲ့ ဝယ်ထားတဲ့ဆီမွှေးတွေ၊ ကျွန်မရဲ့ခွန်အားတွေ၊ မျက်ရည်တွေ၊မျော်လင့်ချက်တွေအားလုံး သူ့ခြေရှေ့သွားသွန်ချပေးလိုက်တယ်။ ကျွန်မရဲ့ ဆီမွှေးရနံ့လေးက တစ်ခန်းလုံးပျံ့သွားတယ်။ တစ်ခန်းလုံးတိတ်ဆိတ်နေကြပြီး ကျွန်မကို ဘုကြည့်ကြည့်နေကြတယ်။ ကျွန်မလည်း ဂရုမစိုက်ဘဲ သူ့ခြေထောက်ကို ကျွန်မမျက်ရည်ဖြင့် ဆေးကြောရင်း ကျွန်မဆံပင်နှင့်သုတ်ပေးခဲ့တယ်။ သူတို့ထဲက တစ်ယောက်ကတော့ "နှမြောလိုက်တာ"လို့ မြည်တွန်တောက်တီးတယ်။ ယခုချိန်ထိ သူကြည့်လိုက်တဲ့ အကြည့်တစ်ချက်နှင့် သူ့ရဲ့စကားတစ်ခွန်းက ယခုချိန်ထိ ပဲ့တင်ထပ်နေသေးတယ်ရှင့်။ အဲ့ဒီစကားတစ်ခွန်းကတော့ "ငါ့သမီး သင့်အပြစ်ကို ငါခွင့်လွတ်လိုက်ပါပြီ"တဲ့။
No comments:
Post a Comment